Topaz Premyer Liqasında IX turun mərkəzi qarşılaşmasında bərabərlik qeydə alınıb.

Bojidar Bandoviç , "Bakı" klubunun baş məşqçisi: "Güman etdiyim kimi, əsl derbi oyunu oldu. "Qarabağ” yaxşı, futbol oynamağı sevən komandadır. İlk hissə zəif təsir bağışlasaq da, ikinci yarıda komandamdan başqa oyun gözləyirdim. Asanlıqla top itirirdik, rəqib cinahlardan çox təhlükəli idi. Buna baxmayaraq, sonadək mübarizə apardıq”.

Qurban Qurbanov,"Qarabağ" klubunun baş məşqçisi: "Maraqlı oyun oldu. Hər iki komanda meydana 3 xal üçün çıxmışdı. Biz son nöqtəni qoymaqda çətinlik çəkirdik. Bandoviçin gəlişindən sonra "Bakı"nın oyununda irəliləyişlər hiss olunur. "Bakı" bizə qarşı xüsusi hazırlaşmışdı. Biz də rəqibi yaxşı analiz etmişdik. Namiq Yusifovun zədələnərək meydanı tərk etməsi planlarımıza daxil deyildi. 
Bu da oyunumuza təsirini göstərdi. Bununla belə, bu gün meydana çıxan gənc oyunçular da yaxşı təsir bağışladılar. Lakin onlar öz üzərilərində daha çox işləməlidirlər. Milli komandanın oyunlarından sonra futolçularda yorğunluq hiss olunurdu ki, bu da müəyyən çətinlik yaradırdı. Bu görüşdə qalib də gələ bilərdik. Ancaq alınmadı".