Peşəkar Futbol Liqası loqotip dizaynı müsabiqəsi elan edir. Müsabiqədə hər kəs iştirak edə bilər.

Müsabiqə şərtləri:

-Loqotip hazırlandığı zaman onun Peşəkar Futbol Liqasının səlahiyyətlərinə uyğun olaraq, xüsusən Azərbaycan futbolu ilə bağlı müxtəlif sahələrdə, məhsulların üzərində, tədbirlərdə istifadə olunacağı nəzərə alınmalıdır.

- Loqotipin təqdimat versiyası 1 mb-dən az olmamalıdır. Tələb olunan format PNG və ya JPEG olmalıdır.

- Loqotipin vektor versiyası (cdr, eps, ai)

- İştirakçıların dizayn təqdimetmə sayında məhdudiyyət yoxdur. Amma bu zaman xüsusi diqqət edilməli məqam nümunələrin təkrarlanmamasıdır. Loqotip müəllif hüquqlarını pozmamalıdır. İndiyədək haradasa istifadə olunmuş loqolar qəbul edilməyəcəkdir.

- PFL qalib gəlmiş loqotipə qismən dəyişiklik etmək, uyğunlaşdırmaq hüququnu özündə saxlayır.

- Loqotip dizaynlarının PNG və ya JPEG formatlı fayllarının ölçüsü 1920(px)*… az olmamaqla təqdim edilməlidir.

- Loqotip dizaynının rəng seçimində məhdudiyyət yoxdur. Daxil edilən elementlərin açıqlaması isə məcburidir.

- Müəllif aşağıdakı məlumatları səhih şəkildə təqdim etməlidir:

1) Ad, soyad, ata adı

2) Email ünvanı

3) Birbaşa əlaqənin mümkün olacağı ev, iş və ya mobil telefon nömrəsi

- Loqotip CorelDraw və Adobe Illustrator proqramlarının vasitəsilə hazırlanmalıdır.

- Təqdim olunan təkliflərdən 3-ü PFL-in sosial şəbəkə hesablarında keçiriləcək səsvermənin yekununa əsasən, eləcə də PFL rəsmiləri tərəfindən dəyərləndiriləcək və müsabiqənin qalibi elan olunacaq.

- Təkliflər 15 iş günü ərzində [email protected] ünvanına göndərilməlidir.

- Müsabiqənin qalibinə 2000 AZN mükafat təqdim ediləcək.

- Əlavə suallar yaranacağı təqdirdə əlaqə telefonu: 055-511-30-77 (həftəiçi saat 10:00-dan 17:00-dək)