Azərbaycan kubokunun 1/8 final mərhələsində MOİK-lə qarşılaşan “İnter” rəqibini 3:0 hesabı ilə məğlub edərək ¼ finalda “Bakı”nın rəqibi oldu.

Namiq Adilov, MOİK klubunun baş məşqçisi: “”İnter” güclü komandadır, bugünkü oyunda komandaların səviyyə fərqi özünü göstərdi. Fikrimcə, Kaxaber Sxadadze ölkəmizdə çalışan ən güclü əcnəbi məşqçidir. Onun komandadakı işi göz qabağındadır”.

Kaxaber Sxadadze, “İnter” klubunun baş məşqçisi: “Bugünkü oyuna görə əsəbiyəm, MOİK oyunçularıma qarşı çox kobud oynadı. Fuad Bayramov zədə ucbatından oyunu tərk etmək məcburiyyətində qaldı. Komandaların səviyyə və ustalıq fərqi aydın görünürdü. Bir çox qol imkanlarından yararlana bilmədik. Bütün qol epizodlarından istifadə edə bilsəydik hesab daha böyük olardı”.