İntizam Komitəsinin bu gün keçirilən iclasında aşağıdakı qərarlar qəbul edildi:

13.05.2023-cü il tarixində Misli Premyer Liqasının XXXIV turunun “Qəbələ” – “Turan Tovuz” oyununda “Qəbələ” klubunun futbolçusu Urfan Abbasov ikinci sarı vərəqədən qırmızı vərəqə aldığına görə 1 oyun cəzalanır, klub 200 manat cərimə edilir (maddə 47.1);

13.05.2023-cü il tarixində Misli Premyer Liqasının XXXIV turunun “Səbail” – “Qarabağ” oyununda ictimai təhlükəsizlik düzgün təşkil edilmədiyinə görə “Səbail” klubu 4000 manat cərimə edilir (maddə 49.1);

13.05.2023-cü il tarixində Misli Premyer Liqasının XXXIV turunun “Səbail” – “Qarabağ” oyunu bitdikdən sonra kənar şəxslər meydançaya daxil olduğuna görə “Qarabağ” klubu 1600 manat cərimə edilir (maddə 49.2);

13.05.2023-cü il tarixində Misli Premyer Liqasının XXXIV turunun “Səbail” – “Qarabağ” oyunu bitdikdən sonra “Qarabağ” klubunun azarkeşləri pirotexniki vasitlərdən istifadə etdiyinə görə “Qarabağ” klubu 800 manat cərimə edilir (maddə 51.2);

13.05.2023-cü il tarixində Misli Premyer Liqasının XXXIV turunun “Səbail” – “Qarabağ” oyunu bitdikdən sonra VAR sisteminin naqillərinin pirotexniki vasitənin yanması nəticəsində zədələnməsinə görə dəymiş zərər “Qarabağ” klubu tərəfindən qarşılansın (maddə 65.2);

17.05.2023-cü il tarixində Misli Premyer Liqasının XXXIV turunun “Sumqayıt” – “Sabah” oyununda “Sumqayıt” klubunun 4 futbolçusu sarı vərəqə ilə cəzalandığına görə “Sumqayıt” klubu 800 manat cərimə edilir (maddə 39);

16.05.2023-cü il tarixində I Divizionun XXIX turunun “Neftçi-2” – “Araz Naxçıvan” oyununda “Neftçi-2” komandasının futbolçusu Həbib İsmayılov ikinci sarı vərəqədən qırmızı vərəqə aldığına görə 1 oyun cəzalanır, komanda 20 manat cərimə edilir (maddə 47.1);

16.05.2023-cü il tarixində I Divizionun XXIX turunun “Neftçi-2” – “Araz Naxçıvan” oyununda “Araz Naxçıvan” klubunun futbolçusu Emil Bayramov ikinci sarı vərəqədən qırmızı vərəqə aldığına görə 1 oyun cəzalanır, komanda 20 manat cərimə edilir (maddə 47.1);

16.05.2023-cü il tarixində I Divizionun XXIX turunun “Zaqatala” – “Qəbələ-2” oyununda “Zaqatala” klubunun futbolçusu Kənan Müslümov rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanır, komanda 20 manat cərimə edilir (maddə 47.1);

16.05.2023-cü il tarixində I Divizionun XXIX turunun “Zaqatala” – “Qəbələ-2” oyununda “Zaqatala” klubunun azarkeşləri tərəfindən pirotexniki vasitələrdən istifadə edildiyinə görə “Zaqatala klubu 80 manat cərimə edilir (maddə 51.2);

16.05.2023-cü il tarixində I Divizionun XXIX turunun “Zaqatala” – “Qəbələ-2” oyununda “Qəbələ-2” komandasının 5 futbolçusu sarı vərəqə ilə cəzalandığına görə “Qəbələ-2” komandası 80 manat cərimə edilir (maddə 39);

16.05.2023-cü il tarixində I Divizionun XXIX turunun “Zaqatala” – “Qəbələ-2” oyunu bitdikdən sonra “Qəbələ-2” komandasının qapıçılar üzrə məşqçisi Elçin Rzazadə oyunun rəsmi şəxslərinə qarşı qeyri-etik ifadələr işlətdiyinə görə birbaşa qırmızı vərəqə aldığı üçün 5 oyun cəzalanır, komanda 400 manat cərimə edilir (maddə 41.4);

16.05.2023-cü il tarixində I Divizionun XXIX turunun “Səbail-2” – MOİK oyununda “Səbail-2” komandasının 4 futbolçusu sarı vərəqə ilə cəzalandığına görə komanda 80 manat cərimə edilir (maddə 39);

16.05.2023-cü il tarixində I Divizionun XXIX turunun “Səbail-2” – MOİK oyununda MOİK klubunun futbolçusu Elşən Veysov ciddi qayda pozuntusuna görə birbaşa qırmızı vərəqə aldığı üçün 2 oyun cəzalanır, klub 160 manat cərimə edilir (maddə 36.1);

16.05.2023-cü il tarixində I Divizionun XXIX turunun “Qaradağ Lökbatan” – “Mingəçevir” oyununda “Qaradağ Lökbatan” klubunun 4 futbolçusu sarı vərəqə ilə cəzalandığına görə klub 80 manat cərimə edilir (maddə 39);

18.05.2023-cü il tarixində I Divizionun XXIX turunun “Sumqayıt-2” – “Şamaxı-2” oyununda “Sumqayıt-2” komandasının 4 futbolçusu sarı vərəqə ilə cəzalandığına görə “Sumqayıt-2” komandası 80 manat cərimə edilir (maddə 39).

18.05.2023-cü il tarixində I Divizionun XXIX turunun “İmişli” – “Zirə-2” oyununa Təcili Tibbi Yardım təyin olunan vaxtdan gec gəldiyinə görə “İmişli” klubu 40 manat cərimə edilir (maddə 62.2);

18.05.2023-cü il tarixində I Divizionun XXIX turunun “İmişli” – “Zirə-2” oyununda “İmişli” klubunun azarkeşləri pirotexniki vasitələrdən istifadə etdiyinə görə “İmişli” klubu 80 manat cərimə edilir (maddə 51.2);

18.05.2023-cü il tarixində I Divizionun XXIX turunun “İmişli” – “Zirə-2” oyununda meydançaya kənar əşyalar atıldığına görə “İmişli” klubu 160 manat cərimə edilir (maddə 51.1).