Bu gün Azərbaycan Superkuboku uğrunda “Xəzər Lənkəran” və “Neftçi” klubları arasında oyun keçiriləcək. İbrahimxəlil Axundlu adına Naxçıvan Muxtar Respublika stadionunda baş tutacaq oyunun başlama saatı 15:00-dır.

Oyundan bir gün öncə isə PFL-in, həmçinin “Xəzər Lənkəran” və “Neftçi”klublarının nümayəndə heyətləri Naxçıvan şəhərində ulu öndər Heydər Əliyevin abidəsini ziyarət edib, ümummilli liderin abidəsi önünə əklil qoyublar. Ziyarətin sonunda xatirə şəkli çəkdirilib.

Qeyd edək ki, Azərbaycan Superkuboku uğrunda “Xəzər Lənkəran” – “Neftçi” oyunu “İdman Azərbaycan” kanalının canlı efirində yayımlanacaq.