Topaz Premyer Liqasının 18-ci turuna “Qarabağ” – “İnter” qarşılaşması ilə yekun vuruldu. Turun mərkəzi oyununda rəqibini 2-0 hesabı ilə məğlub edən ağdamlılar turnir cədvəlində ilk pilləyə yüksəldi.

Kaxaber Sxadadze, “İnter” klubunun baş məşqçisi: “Bütün Azərbaycan xalqını Həmrəylik günü və Yeni il münasibəti ilə təbrik edirəm. “Qarabağ” yaxşı oynadı, bizdən daha güclü idi, qələbə qazandı, təbrik edirəm”.

Qurban Qurbanov, “Qarabağ” klubunun baş məşqçisi: “Maraqlı və sürətli oyun izlədik. Rəqib taktikanı həmişə dəyişən komandadır, yaxşı komandadır. Qalib gəlib qış fasiləsinə yüksək əhval-ruhiyyədə gedirik”.