Topaz Premyer Liqasının 21-ci turuna “Qarabağ” – AZAL oyunu ilə yekun vuruldu. Rəqibini 2-1 hesabı ilə məğlub edən ağdamlılar ən yaxın izləyiciləri ilə xal fərqini dördə çatdırdı.

Vaqif Sadıqov, AZAL klubunun baş məşqçisi: “Bizə xallar qazanmaq vacibdir. “Qarabağ”a qarşı bundan əvvəlki qarşılaşmada taktiki cəhətdən oynadıq. “Qarabağ” səviyyəli rəqibdir, Komandam sona kimi mübarizə apardı, qol vurduq. Daha bir qol vurub hesabı bərabərləşdirə bilərdik, təəssüf ki, hücumları sonlandıra bilmədik. 29 qol buraxmışıq, bu, pisdir. Komanda ruhuna görə futbolçularıma təşəkkürümü bildirirəm. Həm “İnter”, həm də “Qarabağ” nəticəyə oynayır”.

Qurban Qurbanov, “Qarabağ” klubunun baş məşqçisi: “Həm ağır, həm də maraqlı oyun oldu. Bizim üçün AZAL çempionatın ən çətin komandasıdır. Oyunun sonuna kimi rəqibə oynamağa imkan vermirlər. Çox qol epizodu yaratdıq, amma istifadə edə bilmədik. Buna görə də oyunun sonlarında biraz gərginlik oldu. Azarkeşlər sona kimi bizə yaxşı dəstək oldu. Müəyyən çatışmazlıqlarımız var, bunları aradan qaldırmalıyıq. Bu oyun futbolçulara daha diqqətli olmaları üçün bir işarə oldu”.