Azərbaycan kubokunun növbəti yarımfinalçısı məlum olub. Səfərdə “Qarabağ”ı 2-1 hesabı ilə üstələyən “Qəbələ” növbəti mərhələyə yüksəlib. Qəbələ təmsilçisi finala çıxmaq uğrunda “Xəzər Lənkəran”la mübarizə aparacaq.

Yuri Syomin, “Qəbələ” klubunun baş məşqçisi: “”Qarabağ”la iki gərgin oyunumuz oldu. İki komandadan biri növbəti mərhələyə çıxmalıydı. Bu mövsüm ilk dəfədir ki, “Qarabağ”a qalib gəlirik. Komanda intizamlı oynadı”.

Qurban Qurbanov, “Qarabağ” klubunun baş məşqçisi: “Məğlub olduq, maraqlı oyun oldu. Rəqibi qələbə ilə təbrik edirəm. “Qəbələ” çox istəkli idi”.