Topaz Premyer Liqasının 27-ci turunda Lənkərana səfər edən “Simurq” yerli “Xəzər Lənkəran”la oyunda 3-1 hesabı ilə qələbə qazandı.

Georgi Çixradze, “Simurq” klubunun baş məşqçisi: “Komandaya qələbə görə təşəkkür edirəm. Futbolçular sona qədər mübarizə apardılar. Rəqib komandanın da oyunçuları bizimlə başabaş mübarizə apardı. Qol imkanlardan səmərəli istifadə etdik. Zaqataladan Lənkərana qədər gəlib bizi dəstəkləyən azarkeşlərimizə də təşəkkür edirəm”.

Mustafa Denizli, “Xəzər Lənkəran” klubunun baş məşqçisi: “Oyunumuz istənilən səviyyədə alınmadı. Bəsit qollar buraxdıq, məğlub olduq. Çempionatda elə də ciddi iddiamız yoxdur. Əsas diqqətimizi kubok oyunlarına yönəltmişik. Lakin Premyer Liqada da baxımlı oyun göstərməliyik. Bunun üçün çempionatda bütün rəqiblərimizə müqavimət göstərməliyik”.