Topaz Premyer Liqasının 33-cü turunda Zaqatalaya səfər edən AZAL yerli “Simurq”la oyunda qolsuz heç-heçəyə nail oldu – 0:0.

Tərlan Əhmədov, AZAL klubunun baş məşqçisi: ““Simurq” çox yüksək səviyyəli komandadır, zəif cəhətləri olmayan rəqibdir. Bura qələbə üçün gəlmişdik. Rəqib istədiyimiz oyunu göstərməyə imkan vermədi. Çempionatda elə bir iddiamız qalmayıb, komanda yavaş-yavaş özünə gəlir, hələ də çatışmazlıqlarımız var. Həm qol vura bilmirik, həm də oyunçu baxımdan sıxıntımız var. 4 futbolçumuz zədə səbəbindən artıq mövsümü bitirib. Komanda getdikcə öz oyununu tapır, xallar qazanır. Qarşıdakı oyunlarda da qələbə qazanmağa çalışacağıq. Artıq bu oyunu unutmuşuq, növbəti turda bizi “Neftçi” ilə oyun gözləyir”.

İqor Getman, “Simurq” klubunun məşqçisi: “Hər iki komandanı güzəştsiz mübarizə əzminə görə təbrik edirəm. Çempionatda hər bir oyun çətindir. Bu, çempionatın səviyyəsinin artdığını göstərir. Hər iki komanda qələbə qazanmaq istəyirdi, təəssüf ki, qol vura bilmədik. Futbolda əsas məqsəd qol vurmaqdır. Deyə bilmərəm ki, heç bir komanda bunu istəmirdi. Sadəcə qol imkanlarından istifadə edə bilmədik. Fürsətdən istifadə edib dostum Tərlan Əhmədovu təyinatı ilə bağlı təbrik edirəm, AZAL-dakı işində uğurlar arzulayıram”.