Topaz Premyer Liqasının 2-ci turunda “Araz Naxçıvan” səfərdə “Qəbələ” ilə qarşılaşdı. Gərgin idman mübarizəsində keçən oyun ev sahibi komandanın minimal hesablı qələbəsi ilə başa çatdı.

Əsgər Abdullayev, “Araz Naxçıvan” klubunun baş məşqçisi: “”Qəbələ”ni təbrik edirəm. Rəqibin cinahlardan oyun quracağını bilirdik. Bunun qarşısını ala bildik. Standart vəziyyətlərdən daha çox istifadə edirdilər. Bəzi epizodlarda bunun qarşısını ala bildik, bəzi epizodlarda isə səhvlər oldu. Görüləsi işlərimiz çoxdur, çalışacağıq ki, gələcəkdə daha yaxşı oyun göstərək. İlk hissənin başlanğıcında yaratdığımız qol epizodundan istifadə edə bilsəydik, oyunu tam dəyişərdik. Hər iki komanda sona kimi mübarizə apardı. Hər halda, məğlubiyyətlə barışmadığımızı göstərdik”.