Bu həftə Azərbaycan kubokunun 2017/18 mövsümündə 1/8 final oyunları keçiriləcək. Topaz Premyer Liqasının klublarının mübarizəyə qoşulacağı mərhələdə 8 qarşılaşma baş tutacaq. Bir oyundan ibarət duellərdə Premyer Liqa təmsilçiləri I divizion klubları ilə görüşəcək. Peşəkar Futbol Liqasının rəsmi saytı bu cütlərin ölkə kuboku tarixindəki görüşlərinin balansını təqdim edir.
1/8 final mərhələsi üç komanda üçün debütlə əlamətdar olacaq. “Binə”, “Xəzər” və “Sabah” ilk dəfə Azərbaycan kuboku oyununda meydana çıxacaq. Bununla da ölkə kubokunda iştirak edən komandaların ümumi sayı 154-ə çatacaq. Belə ki, 1992-ci ildən keçirilən yarışda bu günə qədər 151 klub mübarizə aparıb. Yalnız bir komanda bütün turnirlərdə çıxış edib. “Neftçi” 26-cı dəfə kubok mübarizəsinə başlayan yeganə komandadır.

1/8 final 

28 noyabr

6. “Neftçi” - “Zaqatala” – indiyədək qarşılaşmayıblar

9. “Qarabağ” - “Qaradağ Lökbatan” – indiyədək qarşılaşmayıblar

29 noyabr

3. “Qəbələ” – “Mil-Muğan” – 2 oyun, +2=0-0, top fərqi 9-1

Komandalar 3-cü dəfə qarşılaşacaq. İki dəfə 1/8 finalda yolları kəsişən rəqiblərin duellərində “Qəbələ” mərhələ adlayıb.

4. “Şüvəlan” - “Səbail” – indiyədək qarşılaşmayıblar

5. “Zirə” - “Xəzər” – indiyədək qarşılaşmayıblar

7. MOİK - “Keşlə” – 3 oyun, +2=0-1 top fərqi 10-4

Rəqiblərin yolları iki dəfə kəsişib. Bu duellər çərçivəsində 3 qarşılaşma keçirilib. Bütün matçlarda böyükhesablı nəticə qeydə alınıb. Hər komanda bir dəfə mərhələ adlayıb.

8. “Kəpəz” - “Binə” –  indiyədək qarşılaşmayıblar

10. “Sumqayıt” - “Sabah” – indiyədək qarşılaşmayıblar